RTR è la chasa da medias rumantscha: infurmativa, regiunala, divertenta, spiertusa, digitala ed audiovisuala – cun ina purschida per grond e pitschen, per Rumantschas e na Rumantschs.
165 collavuraturas e collavuraturs cun ils pli differents profils professiunals procuran per in program cumplessiv ch'accumpogna tras la vita. Fai era ti part da nossas squadras – nus ans legrain.
Tge èn las pussaivladads?
RTR porscha fufragnadis per giuvnas e giuvens che vulan far in emprendissadi mercantil/commerzial u l'emprendissadi d'informatica
Il fufragnadi organisain nus gugent tenor ils termins cunvegnents durant 1 fin 3 dis
Tge èn nossas spetgas?
Ti discurras in idiom rumantsch e sas era scriver rumantsch
Ti has almain terminà l'emprima classa dal stgalim superiur
Per infurmaziun
RTR porscha mintg'onn ina plazza d'emprendissadi commerziala
RTR porscha mintga 4 onns ina plazza d'emprendissadi informatica In fufragnadi tar RTR porscha sguards captivants davos las culissas da l'unica chasa da medias rumantscha. E rinforza segir il gust da far l'emprendissadi tar RTR. Daventa era ti ina part da noss team.
Andrina Caprez, assistenta da la direcziun
Nossa purschida Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta: Bainvegni en il mund da RTR
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.