Overview
Recycling ist wichtiger denn je
Zäme mit eus chönntisch DU en grosse Biitrag leischte. Mer sammlet leeri Toner und Tinte i de ganze Schwiiz i und sorget defür, dass die em Recycling-Chreislauf zuegfüehrt werdet. Es erwartet DICH es junges und dynamsches Team, wo leischtigsorientiert i Zuekunft luegt. Es familäres Umfäld söll eus hälfe zäme eusi Ziel z’ereiche.
Wenn au Du gern Din Biitrag a d’Umwelt wettisch leischte, denn bewirb Dich und wird e Teil vo eusem chline Team. Ab sofort sueche mer als Verstärchig.
Dini Ufgabe
* Aktuelli Ufträg usesueche und bi de korrekte Touren ablegge
* Rückmeldige vo erledigte Ufträg i eus Programm (dfakt) erfasse
* Telefonischi Avisierig vo de vorbereitete Touren für de nögscht Arbeitstag
* Chunde per Mail / Telefon über Verspätige informiere
* Diversi Arbeite wo bi eus im Büro afalled
* Wöchentlichi Ablag vo de erledigte Ufträg
* Kafi-Egge uf Kurs halte und Kafimaschine täglich putze
Was Du mitbringsch
* sehr gueti Dütschkenntniss in Wort und Schrift
* Schwiizerdütsch wird problemlos verstande
* Offeheit gegenüber vielsiitige Ufgabe
* Freud am Chundekontak, will Du sehr viel am Telefon wirisch si
* Erfahrig bim Schaffe am PC (z.B. 10-Finger-System)
* Exakti und sorgfältigi Arbeite sind voll disch Ding
* Gspass am Schaffe ineme chline, kuule und usgflippte Team
Was mer Der bietet
* Attraktivi Vergüetig und Benefits
* Gratisparkplatz, wobi mer au mit ÖV sehr guet erreichbar sind
* Vielsiitigi Ufgabe, wo jede Tag echli andresch chönnt si
* Es motiviertes, engagierts und kuuls Team
Wenn Du Dich in dere Ufgab gsehsch, denn bewirb Di doch gern bi eus. Mer würdet eus freue!
Toner-Recycling Schweiz GmbH
Frau Tamara Gruber
+41 62 858 60 60
#J-18808-Ljbffr