Manadra u manader da project per ils fatgs da cataster
Uffizi d'agricultura e da geoinfurmaziun | 80–100 % | Cuira
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG.
La partiziun Mesiraziun coordinescha las lavurs da stabilir e d'actualisar ils fatgs da cataster cun la mesiraziun uffiziala, il cataster da las restricziuns da proprietad da dretg public ed il cataster da conducts. Ultra da quai sustegna ella las partiziuns Meglieraziuns da structura ed Agricultura cun soluziuns SIG innovativas. Las collavuraturas ed ils collavuraturs dal ressort Mesiraziun concepeschan projects da la mesiraziun uffiziala e realiseschan quels ensemen cun ils geometers-revisurs. Els procuran per il contact cun la Confederaziun e cusseglian e surveglian ils biros da geometers-revisurs.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team motivà che dat paisa a curtas vias da decisiun, a la cumpetenza professiunala ed ad ina moda da lavurar orientada a las finamiras ed als servetschs.
Concepi cun nus l'ulteriur svilup da la mesiraziun uffiziala
Per il ressort Mesiraziun tschertgain nus per il 1. d'avrigl 2026 u tenor cunvegna ina manadra u in manader da project per ils fatgs da cataster.
Voss champ d'incumbensas
* Survegliar professiunalmain ils operats da mesiraziun currents da la mesiraziun uffiziala
* Tgirar e diriger las interpresas da mesiraziun incumbensadas
* Sviluppar vinavant e tgirar las funcziuns da controlla sin basa dad SIG ed IA per garantir la qualitad
* Far periodicamain inspecziuns e mesiraziuns da controlla dals puncts fixs planimetrics chantunals
* Collavurar en gruppas da lavur ed organisaziuns naziunalas e chantunalas, che han l'intent da sviluppar vinavant la mesiraziun uffiziala
Quai che nus giavischain da Vus
* Studi sco inschignera u inschigner da geomatica u diplom equivalent
* Patent federal sco inschignera geometra u inschigner geometer, ubain la prontezza d'acquistar tal
* Intgins onns experientscha professiunala en la mesiraziun uffiziala, la geoinfurmaziun u in champ d'activitad parentà è d'avantatg
* Moda da lavurar independenta, fidada ed analitica
* Demananza segira envers partenaris interns ed externs
* Fitg bunas enconuschientschas dal tudestg, ulteriuras linguas chantunalas, spezialmain talian, èn d'avantatg
Noss avantatgs
Vegnir a savair dapli davart noss avantatgs
Lieu da lavur
Uffizi d'agricultura e da geoinfurmaziun
Ringstrasse 10
7001
Cuira
Per dumondas stat Hans Andrea Veraguth, manader da la partiziun Mesiraziun gugent a Vossa disposiziun sut tel ubain per e-mail a hans-
Termin d'annunzia: 30 da schaner 2026
Nus ans legrain da Vossa annunzia online e da far Vossa enconuschientscha.