RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran 160 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Tge èn las incumbensas?
1. exequir ina lavur schurnalistica credibla, independenta e d'auta qualitad
2. retschertgar, rapportar e metter a lieu las differentas tematicas da la regiun
3. concepir, planisar, producir e raquintar istorgias – audio, video e text
4. tgirar e sviluppar ina rait da contacts per identifitgar tematicas interessantas che occupan noss public
Tge spetgain nus?
5. ina buna savida generala e bunas enconuschientschas dal Grischun
6. interess per in vast spectrum da tematicas, en spezial per politica, economia, cultura e societad
7. plaschair dad ir vers la glieud e l'abilitad da mussar interess per lur basegns
8. la prontadad da lavurar irregularmain (saira/fin d'emna) ed autonomamain
9. pudair lavurar en situaziuns hecticas
10. experientschas schurnalisticas èn d'avantatg
Tge offrin nus?
11. ina lavur fitg variada ed interessanta
12. in bun clima da lavur en in'interpresa moderna ed innovativa
13. temps e models da lavur flexibels cun pussaivladads da scolaziun e furmaziun
14. cumenzament per immediat u tenor cunvegna
“Sco redactura da radio hai jau schlargià mia savida generala en tut las direcziuns. Ins po numnadamain far las pli differentas istorgias: In di ir a far ina reportascha da la festa federala da musica e l'auter di ir ad ina conferenza da medias davart ils ospitals regiunals. Cun far las retschertgas e sa preparar survegnan ins massa novas infurmaziuns. Per ch'i dat ina buna contribuziun che fa gust al public da tadlar è la collavuraziun stretga cun producent:as indispensabla.”
Milena Bassin, redactura radio
Nossa purschida
Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta: Bainvegni en il mund da RTR!
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.