Tgiradra u tgirader d'objects, pedella u pedel
Uffizi da construcziun auta | 100 % | Cuira
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post spezialisà dal sectur da construcziun dal chantun Grischun tgira l'Uffizi da construcziun auta ils interess dal chantun sco proprietari d'immobiglias e/u sco patrun da construcziun ed è responsabel per tut las prestaziuns dal management d'immobiglias. Quai cumpiglia la structuraziun dal portfolio d'immobiglias, la planisaziun, la realisaziun e la gestiun d'immobiglias sco er cussegliaziuns.
Per il 1. d'avrigl 2026 u tenor cunvegna tschertgain nus ina tgiradra u in tgirader d'objects, ina pedella u in pedel.
Sco tgiradra u tgirader d'objects, pedella u pedel As spetgan in ambient da lavur avert en il center da Cuira, pussaivladads attractivas d'absolver furmaziuns supplementaras sco er spazi pussaivel per la famiglia e per la concepziun dal temp liber.
Voss champ d'incumbensas
* Surpigliar la responsabladad per survegliar, per inspectar e per mantegnair las installaziuns tecnicas dals edifizis en ils secturs electricitad, stgaudament, ventilaziun, clima ed installaziuns sanitaras per garantir il mantegniment optimal, la tgira ed il diever
* Identifitgar ed eliminar mancanzas sco er far reparaturas pli pitschnas
* Exequir en moda professiunala il mantegniment e la tgira da las substanzas dals edifizis sco er dals stabiliments al liber, inclusiv rumir la naiv
* Surpigliar la responsabladad per il nettegiament d'edifizis e da stabiliments inclusiv ils conturns
* Instruir ed exequir en moda professiunala correctamain las lavurs da nettegiament en il rom dal servetsch da nettegiament sco er manar en moda persunala, professiunala ed organisatorica il persunal da nettegiament ch'è suttamess directamain
* Esser persuna da contact directa per las collavuraturas ed ils collavuraturs da l'administraziun chantunala e per ils mastergnants, prender encunter giavischs e dumondas sco er coordinar ils pass necessaris per eliminar problems
Quai che nus giavischain da Vus
* Scolaziun terminada en il sectur artisanal u tecnic
* Furmaziun supplementara sco pedella u pedel APF u prontezza d'absolver questa furmaziun
* Grond senn da responsabladad e da qualitad
* Prontezza d'agir en cas d'intervenziuns tecnicas
* In pensar cumplessiv sco er ina moda da lavurar independenta ed orientada a soluziuns
* Bunas enconuschientschas en l'applicaziun dal computer
Noss avantatgs
Vegnir a savair dapli davart noss avantatgs
Lieu da lavur
Uffizi da construcziun auta
Ringstrasse 10
7001
Cuira
Per dumondas stat Aluis Caviezel, manader dal sectur Facility services, gugent a Vossa disposiziun sut il numer da telefon u per e-mail ad
Termin d'annunzia: 20 da favrer 2026
Nus ans legrain da Vossa annunzia online e da far Vossa enconuschientscha.