Persunas d'instrucziun per il stgalim superiur a Cuira ed a Schiers
Uffizi da migraziun e da dretg civil / Cuira 80–100 % / Schiers ca. 50 %
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
En nossas scolas accumpagnain nus uffants da persunas cun basegn da protecziun da l'Ucraina sco er da l'ulteriur sectur d'asil sin lur via en la lingua tudestga ed en il sistem da furmaziun. Tegnend quint dal plan d'instrucziun chantunal da la scola populara instruin nus la materia da scola obligatorica. La promoziun ha la finamira che las scolaras ed ils scolars possian entrar en la scola populara en Svizra u en lur patria. Per l'Uffizi da migraziun e da dretg civil tschertgain nus a partir dal 1. da schaner 2026 (Cuira) resp. 1. da mars 2026 (Schiers) u tenor cunvegna, mintgamai ina persuna d'instrucziun per il stgalim superiur.
Voss champ d'incumbensas
* Instruir uffants dal sectur d'asil en la vegliadetgna dal stgalim superiur
* Collavurar en in pitschen team colleghial cun ina repartiziun da las incumbensas cun ils medems dretgs
* Surpigliar en moda flexibla incumbensas alternantas dal mintgadi da scola
* Collavurar en moda constructiva en il senn dal bainstar da las scolaras e dals scolars
* Ir enturn en moda pedagogica cun situaziuns pretensiusas e crisas
Quai che nus giavischain da Vus
* En il cas ideal in diplom d'instrucziun renconuschì
* Plaschair da lavurar cun giuvenils en la vegliadetgna dal stgalim superiur
* Moda da lavurar independenta, structurada ed orientada a soluziuns
* Fitg bunas abilitads da lavurar en in team
* Avertadad e cumpetenzas interculturalas
* Abilitad da supportar squitsch ed ina tenuta orientada a soluziuns en cas da sfidas e crisas
Noss avantatgs
Vegnir a savair dapli davart noss avantatgs
Lieu da lavur
Uffizi da fatgs da polizia e da dretg civil
Karlihof 4
7001 Chur
Nus ans legrain da Vossa annunzia online e da far Vossa enconuschientscha.