Actuara u actuar da dretgira
Dretgira regiunala Engiadina Bassa/Val Müstair | 40–80 % | Sent
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per rinforzar noss team tschertgain nus per il 1. da schaner 2026 u tenor cunvegna in'actuara u in actuar da dretgira.
Voss champ d'incumbensas
* Sco actuara u actuar sustegnais Vus il derschader che maina la procedura en connex cun l'instrucziun dals process, cun il scleriment da dumondas giuridicas e cun l'elavuraziun da sbozs da sentenzias.
* En cas da basegn survegnis Vus ulteriuras incumbensas entaifer il manaschi giudizial.
* Cun vusch consultativa participais Vus a tractativas dal sectur civil e penal, scrivais il protocol e redigis las sentenzias ed ils conclus.
Quai che nus giavischain da Vus
* Vus avais terminà in studi da giurisprudenza (da preferenza cun la patenta d'advocata u d'advocat) ed avais, sche pussaivel, er experientscha pratica da rediger decisiuns.
* Ultra da bunas abilitads analiticas tutga er ina moda da lavurar independenta, precisa ed effizienta tar Vossas fermezzas.
* Per la plazza vegnan premess in inschign redacziunal ed in stil segir en tudestg; enconuschientschas d'ina segunda lingua uffiziala èn giavischadas.
Noss avantatgs
Vegnir a savair dapli davart noss avantatgs
Lieu da lavur
Dretgira regiunala Engiadina Bassa / Val Müstair
Saglina 22
7554
Sent
Infurmaziuns pli detagliadas survegnis Vus gugent dal president da la Dretgira regiunala Engiadina Bassa/Val Müstair, lic. iur. utr. Orlando Zegg sut il numer da telefon
Termin d'annunzia: 15 da december 2025
Nus ans legrain da Vossa annunzia online e da far Vossa enconuschientscha.