Manadra u manader dal team Procedura da rendaquint Pensum: 80% - 100% L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad. Nus tschertgain ina persunalitad directiva engaschada che maina il team Procedura da rendaquint sin plaun professiunal ed operativ. En questa funcziun multifara garantis Vus in decurs senza disturbis da tut ils process da rendaquint e contribuis essenzialmain a la qualitad ed a l'effizienza da nossa contabilitad. Vus surpigliais incumbensas organisatoricas, applitgais metodas da gestiun e gidais activamain a sviluppar vinavant ils process. Vossas incumbensas Manar il team Procedura da rendaquint sin plaun professiunal ed operativ Guardar, ch'i vegnian retratgas tut las contribuziuns e restituidas las prestaziuns Exequir e survegliar las mesiras d'incasso necessarias inclusiv introducir proceduras da scussiun Rediger posiziuns ed elavurar protestas Surpigliar la responsabladad per ils process en las proceduras d'indemnisaziun ed en las denunzias penalas Garantir il traffic monetar e da pajament da commembras e commembers sco er da persunas assicuradas Surpigliar la responsabladad per far ils plans da producziun e da pajament Exequir e survegliar il sistem da controlla intern (SCI) Realisar il management da qualitad e da las ristgas entaifer Vossa sectur da responsabladad inclusiv il reporting Proponer mesiras d'optimaziun e sviluppar vinavant programs Organisar il deposit e l'archivaziun d'actas entaifer Voss sectur da responsabladad Voss profil Scolaziun commerziala da basa, en il cas ideal cun ina furmaziun supplementara en finanzas e contabilitad (p.ex. certificat professiunal Finanzas e contabilitad u qualificaziun sumeglianta) Enconuschientschas dals fatgs da scussiun e da concurs (LSC) Experientscha professiunala da plirs onns en la contabilitad, da preferenza en il dretg d'assicuranzas socialas Experientscha da manar glieud u la prontezza da surpigliar responsabladad directiva Chapientscha expressiva per process finanzials e moda da lavurar structurada Senn da responsabladad, forza da persvader ed orientaziun al team Plaschair da sviluppar vinavant andaments e process digitals Enconuschientschas dal talian èn d'avantatg Noss avantatgs per Vus Lieu da lavur SVA Graubünden Ottostrasse 24 7001 Chur Per dumondas en connex cun la lavur stat a disposiziun Georg Gredig, manader da partiziun contabilitad, sut il numer da telefon 41 81 257 41 46. Per dumondas en connex cun il process da recrutaziun contactai p.pl. Silvia Calzaferri, spezialista HR, sut il numer da telefon: 41 81 257 41 20.