Commembra u commember dal cussegl da la Fundaziun Museum retic Uffizi da cultura | Museum retic | Cuira Ensemen per il Grischun L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada. La Fundaziun Museum retic procura per il mantegniment e la cumplettaziun dals objects da la collecziun ch'èn impurtants per l'istorgia e per la cultura dal Grischun, e renda accessibels quels a la publicitad. L'Uffizi da cultura tschertga per il 1. da fanadur 2026 ina commembra u in commember dal cussegl da la Fundaziun Museum retic. Voss champ d'incumbensas Vus faschais part dal cussegl da fundaziun che sa cumpona da set commembras e commembers en uffizi d'onur. Vus participais a 2 fin 3 sesidas per onn dal cussegl da fundaziun en il Museum retic. Il cussegl da fundaziun decida davart cumpras, donaziuns ed emprests. Il cussegl da fundaziun decida davart projects scientifics en il context da la collecziun. Il cussegl da fundaziun approvescha il quint annual. Quai che nus giavischain da Vus Vus avais enconuschientschas, interess e plaschair per l'istorgia dal chantun Grischun. Vus As interessais per las activitads dal Museum retic. En il cas ideal avais Vus enconuschientschas giuridicas. Vus represchentais il Grischun dal Sid u il Grischun Central en il cussegl da fundaziun. Noss avantatgs Vegnir a savair dapli davart noss avantatgs Lieu da lavur Uffizi da cultura, Museum retic Hofstrasse 1 7000 Cuira Per dumondas stat Guadench Dazzi, directur dal Museum retic, gugent a Vossa disposiziun: guadench.dazzi@rm.gr.ch ; 081 257 48 21. Termin d'annunzia: 13 da favrer 2026 Nus ans legrain da Vossa annunzia online e da far Vossa enconuschientscha.