Collavuratura u collavuratur per il sectur Finanzas
Plantahof | 60 % | Landquart
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun cumplessiva dals manaschis agriculs e d'alp dal Grischun e d'ulteriurs circuls che han in connex cun temas da l'agricultura. Per quests intents maina el in agen bain puril en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. d'avrigl 2026 u tenor cunvegna tschertgain nus ina collavuratura u in collavuratur per il sectur Finanzas
Voss champ d'incumbensas
* Responsabladad principala per elavurar e per contabilisar a temp ils quints dals furniturs (contabilitad dals crediturs)
* Manar e serrar las scuntradas internas
* Administrar la contabilitad da la facultad investida
* Responsabladad per manar la cassa
* Collavurar tar lavurs administrativas
* Cooperar tar clusiuns da preventivs e da quints annuals sco er tar il controlling intern
Quai che nus giavischain da Vus
* Emprendissadi terminà sco commerzianta u commerziant AFQ
* Experientscha pratica en il sectur da finanzas è d'avantatg
* Chapientscha exprimida da cifras ed utilisaziun segira da las applicaziuns dad IT
* In pensar cumplessiv ed in agir orientà a soluziuns
* Abilitad da lavurar en in team, discreziun ed independenza
* Avertadad envers la digitalisaziun ed interess per la IT
* La lingua da lavur generala è tudestg. Enconuschientschas d'ina ulteriura lingua chantunala èn d'avantatg
Noss avantatgs
Vegnir a savair dapli davart noss avantatgs
Lieu da lavur
Plantahof
Kantonsstrasse 17
7302
Landquart
Nus ans legrain da Vossa annunzia online e da far Vossa enconuschientscha.