Experta u expert da contabilitad / revisura interna u revisur intern Controlla da finanzas | 80–100 % | Cuira Ensemen per il Grischun L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada. La Controlla da finanzas è l'organ spezialisà suprem da la surveglianza da las finanzas. Ella sustegna il Cussegl grond, la Regenza e las dretgiras en la surveglianza da las finanzas da l'administraziun e da l'administraziun giudiziala. Las lavurs da la Controlla da finanzas vegnan exequidas tenor standards renconuschids (SA-CH, IPPF e Cobit) e tenor directivas dal dretg administrativ e da l'economia da manaschi. Nus tschertgain per immediat u tenor cunvegna ina persuna motivada sco experta u expert da contabilitad ubain sco revisura interna u revisur intern (80–100 %). Tes champ d'incumbensas Controllar il quint annual dal chantun e las finanzas dals posts da servetsch chantunals Verifitgar l'existenza e l'efficacitad dal sistem da controlla intern per process da gestiun e per projects relevants Controllar la rentabilitad e la legalitad Cunresponsabladad per ina rapportaziun professiunala e qualifitgada, che generescha plivalurs sco er segirezza per ils posts controllads e per las instanzas politicas Collavurar en moda consultativa en cumissiuns ed en gruppas da lavur Quai giavischain nus da tai Scolaziun terminada en contabilitad u en economia da manaschi en ina scola auta spezialisada u universitad sco er experientscha da revisiun Diplom d'experta u d'expert da contabilitad, CIA u scolaziun equivalenta è d'avantatg, ubain che ti vuls acquistar in tal diplom cumplementarmain a la professiun Bun dun receptiv per connexs cumplexs sco er gronda independenza ed atgna iniziativa Orientaziun a las finamiras cun focus sin l'essenzial sco er avertadad per novs aspects e per novas problematicas Proceder logic e sistematic en connex cun analisas Svelta identificaziun da connexs interdisciplinars e da las dumondas che resultan da quels Fitg buna expressiun en scrit en tudestg, per pudair scriver rapports pretensius Persunalitad ch'è orientada al team e che pensa en moda interdisciplinara Experientschas praticas en il sectur da l'analisa da datas èn bainvegnidas Noss avantatgs Vegnir a savair dapli davart noss avantatgs Lieu da lavur Controlla da finanzas Steinbruchstrasse 18 7001 Cuira Per dumondas stat Mario Abajo Vilar, manader da partiziun, gugent a tia disposiziun sut il numer da telefon 081 257 32 83. Termin d'annunzia: 15 da schaner 2026 Nus ans legrain da tia annunzia online e d'emprender d'enconuscher tai.