Collavuratura u collavuratur dal servetsch da sanadad
Uffizi per l'execuziun giudiziala | 50–100 % | Stabiliment giudizial Cazas Tignez, Cazas
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Cazas Tignez ha circa 110 collavuraturas e collavuraturs e dispona da 150 plazs da detenziun per l'execuziun serrada. Var 100 da quests plazs èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Per ina substituziun da maternitad tschertgain nus tenor cunvegna ina collavuratura u in collavuratur per il servetsch da sanadad limità fin ils
Voss champ d'incumbensas
* Assister, accumpagnar e cussegliar las persunas collocadas da differentas culturas en il sectur da la sanadad sco er organisar e realisar mesiras da tgira resguardond las prescripziuns da la legislaziun, da la tecnica da segirezza e dal manaschi
* Organisar las visitas da medi ed eventualas ospitalisaziuns sco er incumbensas administrativas
* Surpigliar emprims scleriments en cas da dumondas medicinalas e cas d'urgenza
* Empustar, controllar e preparar ils medicaments per la consegna
* Far documentaziuns medicinalas e scriver rapports
* Collavurar interdisciplinarmain cun las medias ed ils medis spezialisads da la somatica, da la psichiatria, da la medischina dentala sco er da la fisioterapia e cun tut ils posts interns
* Prestar servetschs dal di da glindesdi fin venderdi tranter las 07.00 e las 20.00
Quai che nus giavischain da Vus
* Scolaziun terminada sco assistenta u assistent da pratica medical, sco spezialista u spezialist da sanadad ubain sco tgirunza u tgirunz SSS sco er plirs onns experientscha professiunala
* Il contact cun persunas da differentas culturas, ch'èn en situaziuns da vita difficilas, vesais Vus sco sfida positiva
* Persunalitad stabila ch'è abla da supportar squitsch e da lavurar en in team ed abla d'acceptar critica, cun ina gronda cumpetenza sociala e che resta calma en situaziuns difficilas
* Bunas enconuschientschas da l'informatica sco er ina buna expressiun en scrit ed a bucca en tudestg, enconuschientschas a bucca da linguas estras èn d'avantatg
* Ina conduita irreproschabla (naginas inscripziuns en il register penal ed en il register da scussiun)
Noss avantatgs
Vegnir a savair dapli davart noss avantatgs
Lieu da lavur
Uffizi per l'execuziun guidiziala
JVA Cazis Tignez Tignez 1
7408
Cazas
Per dumondas davart la professiun stat Rebekka Engi, manadra dal servetsch da sanadad, gugent a Vossa disposiziun sut il numer da telefon
Termin d'annunzia: 15 da favrer 2026
Nus ans legrain da Vossa annunzia online e da far Vossa enconuschientscha.