Controlladra u controllader da victualias
Uffizi per la segirezza da victualias e per la sanadad d'animals | 80–100 % | Cuira
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Victualias segiras da la stalla fin sin il plat – quai è la devisa da noss uffizi.
Per l'Uffizi per la segirezza da victualias e per la sanadad d'animals tschertgain nus per immediat u tenor cunvegna ina controlladra u in controllader da victualias.
Voss champ d'incumbensas
* Exequir la legislaziun federala davart victualias en in da sis circuls da controlla dal Grischun (Val dal Rain da Cuira, Partenz e Lai)
* Far inspecziuns en manaschis da victualias e d'objects da diever
* Scriver rapports e disposiziuns
* Far emprovas uffizialas en il rom da campagnas d'analisa
* Contact cun persunas suttamessas al dretg
* Dar infurmaziuns en connex cun dumondas dal dretg da victualias
Quai che nus giavischain da Vus
* Diplom federal per la controlla uffiziala da victualias u furmaziun professiunala da basa terminada cun 3 onns experientscha professiunala en il sectur da victualias u ina furmaziun professiunala superiura correspundenta sco premissa per acquistar il diplom
* Fitg bunas enconuschientschas dal tudestg a bucca ed en scrit, enconuschientschas dal talian èn d'avantatg
* Persuna communicativa, persvadenta, independenta e bain organisada
* Corporalmain fit per sa muventar er en territoris maltransibels
* Utilisaziun segira da meds d'informatica moderns
* Permiss da manischar da la categoria B
Noss avantatgs
Vegnir a savair dapli davart noss avantatgs
Lieu da lavur
Uffizi per la segirezza da victualias e per la sanadad d'animals
Ringstrasse 10
7001
Cuira
Nus ans legrain da Vossa annunzia online e da far Vossa enconuschientscha.