Manadra u manader dal servetsch da sanadad
Uffizi per l'execuziun giudiziala | 80 % | Stabiliment giudizial Realta, Cazas
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Perquai che la titulara actuala da la plazza vegn pensiunada, tschertgain nus tenor cunvegna ina manadra u in manader dal servetsch da sanadad.
Voss champ d'incumbensas
* Manar il servetsch da sanadad e surpigliar la responsabladad per il provediment da basa medicinal, da tgira e psichiatric da las persunas collocadas en stretga collavuraziun cun il manader da l'assistenza e segirezza
* Manar, promover ed introducir las trais collavuraturas e collavuraturs subordinads sco er far la planisaziun dals servetschs
* Assister, accumpagnar e cussegliar las persunas collocadas da differentas culturas en il sectur da la sanadad sco er organisar e realisar mesiras da tgira resguardond las prescripziuns da la legislaziun, da la tecnica da segirezza e dal manaschi
* Far emprims scleriments en cas da dumondas medicinalas e cas d'urgenza sco er organisar las visitas da medi ed eventualas ospitalisaziuns
* Empustar, controllar e preparar ils medicaments per la consegna
* Preparar e realisar il tractament cun prescripziun da heroin sco er ulteriurs tractaments cun substanzas substitutivas
* Far documentaziuns medicinalas e scriver rapports e far inscripziuns en il schurnal
* Collavurar interdisciplinarmain cun medias e medis spezialisads da la somatica e da la psichiatria sco er cun tut ils posts interns
* Prestar servetschs dal di tranter las 06.30 e las 18.30 e servetschs da fin d'emna
Quai che nus giavischain da Vus
* Scolaziun terminada sco tgirunza u tgirunz SSS cun plirs onns experientscha professiunala e da manar persunas
* Da preferenza disponis Vus d'ina scolaziun supplementara en medischina d'urgenza, en medischina intensiva u en psichiatria
* Il contact cun persunas da differentas culturas, ch'èn en situaziuns da vita difficilas, vesais Vus sco sfida positiva
* Persunalitad stabila ch'è abla da supportar squitsch e da lavurar en in team ed abla d'acceptar critica, cun gronda cumpetenza sociala, forza da persvader ed abilitad da sa distanziar e che resta calma en situaziuns difficilas
* Bunas enconuschientschas da l'informatica sco er ina buna expressiun en scrit ed a bucca en tudestg, enconuschientschas a bucca da linguas estras èn d'avantatg
* Ina conduita irreproschabla (naginas inscripziuns en il register penal ed en il register da scussiun)
Noss avantatgs
Vegnir a savair dapli davart noss avantatgs
Lieu da lavur
Uffizi per l'execuziun guidiziala
JVA Realta Quaderstrasse 21
7408
Cazas
Per dumondas davart la professiun stat Beat Trepp, manader Assistenza e segirezza, gugent a Vossa disposiziun sut il numer da telefon
Termin d'annunzia: 15 da favrer 2026
Nus ans legrain da Vossa annunzia online e da far Vossa enconuschientscha.