RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran passa 160 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Tge èn las incumbensas?
1. tgirar e mantegnair sistems IT e l'infrastructura appartenenta (rait, server, clientella, euv.)
2. administrar utilisad:ras, gruppas e dretgs d'access
3. installar, configurar e metter en funcziun hard- e software
4. elavurar e tgirar la documentaziun IT
5. collavurar a projects IT cun la pussaivladad da surpigliar la responsabladad per secturs parzials
6. sustegnair il support IT ed il helpdesk
Tge spetgain nus?
7. scola secundara terminada cun bunas prestaziuns, en spezial en matematica, -scienzas natiralas sco er en las linguas rumantsch, tudestg ed englais
8. interess per la tecnica e sistems IT moderns sco era ina buna chapientscha per connexs tecnics
9. ina moda da pensar analitica, in bun dun receptiv ed in'auta prontezza d'emprender
10. ina moda da lavurar premurusa, fidabla ed independenta
11. plaschair da schliar problems cumplexs e plaschair d'experimentar
Tge offrin nus?
12. ina scolaziun interessanta e multifara en in ambient dinamic da las medias electronicas e dal service public (televisiun, radio, accessibilitad senza barrieras)
13. ina tgira persunala ed in clima da lavur collegial en ina cultura da manaschi averta cun ierarchias bassas ed ina mentalitad dal «ti»
14. incumbensas variadas cun spazi per atgnas ideas
15. 6 emnas vacanzas ed ina paja d'emprendissadi attractiva
16. renconuschientscha per bunas prestaziuns en scola
Ulteriuras infos
17. cumenzament da l'emprendissadi: avust 2026
18. durada: 4 onns
19. ti pos far l'emprendissadi cun matura professiunal
20. sparta: svilup da plattafurmas
«In emprendissadi d'informatica tar RTR dat a ti invistas davos las culissas da la producziun da medias e da l'informatica da l'entira SRG SSR. Sche ti es plain passiun per l'informatica, has plaschair d'emprender d'enconuscher novas tecnologias e tschertgas ina scolaziun varianta ed innovativa, lura es ti precis en il dretg lieu tar nus!»
Fabio Pally, responsabel segirezza digitala RTR e per l'emprendissadi d'informatica
Nossa purschida
Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta: Bainvegni en il mund da RTR!
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.