Persuna responsabla per applicaziuns spezialisadas Uffizi per l'execuziun giudiziala | 80-100 % | Cazas Ensemen per il Grischun L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada. L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals. Per sustegnair ils dus stabiliments giudizials a Cazas tschertgain nus ina persuna responsabla per las applicaziuns spezialisadas Voss champ d'incumbensas Garantir e survegliar il funcziunament da las applicaziuns spezialas centralas, particularmain «Gina» (en coordinaziun cun l'Uffizi d'informatica ed ils furniturs) Analisar disturbis e sbagls sco er coordinar tut las partidas involvidas en cas da disturbis e da sbagls Surpigliar la rolla directiva en cas da specificaziun, test e rollout per implementar change requests resp. releases Far, actualisar, tgirar ed administrar las documentaziuns, en spezial documents da scolaziun per powerusers sco er per collavuraturas e collavuraturs Organisar scolaziuns da powerusers e da collavuraturas e collavuraturs Sustegnair il sectur da la segirezza d'informatica Cooperar en gremis specifics Quai che nus giavischain da Vus Scolaziun terminada sco spezialista u spezialist ICT AFQ u furmaziun equivalenta Experientscha en il sectur ICT support e scolaziuns Know-how e/u experientscha en il sectur da requirements engineering Ina persunalitad da buna luna, ch'è abla da lavurar en in team, ch'è orientada als servetschs e che lavura en moda independenta, proactiva e fidada Experientscha en il sectur da la segirezza d'informatica è d'avantatg Fitg bunas enconuschientschas dal tudestg e bunas enconuschientschas da l'englais a bucca ed en scrit Ina conduita irreproschabla Noss avantatgs Vegnir a savair dapli davart noss avantatgs Lieu da lavur Uffizi per l'execuziun guidiziala JVA Realta Quaderstrasse 21 7408 Cazas Per dumondas stat Johannes Spring, manader da project Informatica e svilup da l'organisaziun, gugent a Vossa disposiziun sut il numer da telefon 081 257 52 73. Termin d'annunzia: 14 da december 2025 Nus ans legrain da Vossa annunzia online e da far Vossa enconuschientscha.