Manadra u manader da project per il traffic public Uffizi d'energia e da traffic | 80-100 % | Cuira Ensemen per il Grischun L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun. L'Uffizi d'energia e da traffic è il center da cumpetenza chantunal per dumondas en ils secturs da l'energia e dal traffic public. En il sectur dal traffic public essan nus cumpetents per la planisaziun strategica e per la coordinaziun vicendaivla da tut il traffic public en il chantun Grischun. Nus coordinain il traffic public da la viafier e dals bus ed essan cumpetents per la planisaziun, per la projectaziun e per la realisaziun da projects a favur d'in traffic public prospectiv. Bunas colliaziuns cun la rait da viafier naziunala ed internaziunala sco er colliaziuns regularas e frequentas en il traffic regiunal e d'aglomeraziun èn d'impurtanza centrala per mantegnair e per sviluppar vinavant il Grischun sco spazi da viver, sco spazi turistic e sco spazi economic. Per l'Uffizi d'energia e da traffic tschertgain nus per il 1. d'avrigl 2026 u tenor cunvegna ina manadra u in manader da project Traffic public. Voss champ d'incumbensas Planisar la purschida dal traffic public en il chantun Grischun cun la viafier e sin via Manar la procedura d'urari Realisar e sviluppar vinavant concepts per il traffic public en il chantun Elavurar concepts da traffic regiunals Manar projects Quai che nus giavischain da Vus Planisadra u planisader da traffic, inschignera u inschigner da traffic ubain spezialista u spezialist dal traffic public cun experientscha en la planisaziun da la purschida ed interess per il traffic public en il chantun Grischun Plaschair da la collavuraziun interdisciplinara, dun da contractar ed inschign en il contact cun interpresas da transport, autoritads e federaziuns Experientscha en connex cun l'elavuraziun independenta da dumondas concepziunalas Fitg bunas enconuschientschas dal tudestg a bucca ed en scrit Bunas enconuschientschas dal talian èn d'avantatg Noss avantatgs Vegnir a savair dapli davart noss avantatgs Lieu da lavur Uffizi d'energia e da traffic Ringstrasse 10 7001 Cuira Nus ans legrain da Vossa annunzia online e da far Vossa enconuschientscha.