Mastergnanta u mastergnant per il servetsch d'avaria
Uffizi da construcziun bassa | 100 % | San Bernardino
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
La secziun Tecnica administrescha l'entir equipament da manaschi e da segirezza da las vias chantunalas e naziunalas sco er dals passa 40 tunnels dal chantun Grischun. Ella sa cumpona d'ina cuntrada da rait e da sistem dad IT/OT moderna e cumplexa. Latiers tutgan tranter auter l'infrastructura da communicaziun, la surveglianza cun video, la ventilaziun en cas d'eveniments, la sensorica dals tunnels, l'illuminaziun e la regulaziun dal traffic en ils tunnels e sin trajects da via. Las installaziuns vegnan controlladas cun agid d'in sistem da regulaziun modern.
Per la partiziun Mantegniment da las vias, secziun Tecnica, tschertgain nus per il 1. da mars 2026 u tenor cunvegna ina mastergnanta u in mastergnant per il servetsch d'avaria a San Bernardino.
Voss champ d'incumbensas
* Collavurar en in pitschen team ch'è responsabel per lavurs da mantegniment vi dals indrizs da tunnels e da segirezza sin la rait da las vias chantunalas e naziunalas
* Far servetsch da pumpiers e da pichet en il team d'avaria da San Bernardino
Quai che nus giavischain da Vus
* Diplom professiunal en la branscha d'electro, da construcziun en metal u d'informatica ubain sco electrodissegnadra u electrodissegnader resp. sco electroplanisadra u electroplanisader
* Intgins onns experientscha professiunala
* Scolaziun da pumpiers, curs da basa 1 sco er curs da salvament sin via
* Grond senn da responsabladad sco er abilitad da supportar squitsch mental e fisic
* Permiss da manischar da la categoria C u prontezza d'acquistar tal
* Bunas enconuschientschas en l'applicaziun dal computer (Microsoft Office)
* Bunas enconuschientschas dal talian e dal tudestg
Noss avantatgs
Vegnir a savair dapli davart noss avantatgs
Lieu da lavur
Uffizi da construcziun bassa dal Grischun, Secziun tecnica
Strada del frach 6
6565 San Bernardino
Per dumondas stat Sandro Mura, manader da la secziun Tecnica, gugent a Vossa disposiziun sut il numer da telefon
Termin d'annunzia: 8 da favrer 2026
Nus ans legrain da Vossa annunzia online e da far Vossa enconuschientscha.