Cussegliadra u cussegliader da professiun, da studi e da carriera Uffizi per la furmaziun professiunala | 40–50 % | Glion Ensemen per il Grischun L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada. L'Uffizi per la furmaziun professiunala (UCFP) è in post da servetsch dal Departament d'educaziun, cultura e protecziun da l'ambient (DECA) e realisescha las incumbensas da la politica da furmaziun da la Confederaziun e dal chantun concernent la furmaziun professiunala da basa. Plinavant è l'uffizi il post da cumpetenza en dumondas da la tscherna da professiun, da scola e da studi sco er l'instanza che accumpogna durant l'entira carriera professiunala. La partiziun Cussegliaziun da professiun, da studi e da carriera (CPSC) cusseglia ed infurmescha persunalmain, independentamain e gratuitamain giuvenils e persunas creschidas en dumondas concernent la professiun, il studi e la carriera. La CPSC sustegna en la tscherna da professiun, da studi u en la concepziun da la carriera ed accumpogna en la planisaziun da l'avegnir professiunal. Per l'Uffizi per la furmaziun professiunala tschertgain nus per il 1. d'avrigl 2026 u tenor cunvegna ina cussegliadra u in cussegliader da professiun, da studi e da carriera (40–50 %). Voss champ d'incumbensas Cussegliar ed infurmar giuvenils e persunas creschidas en connex cun la tscherna da professiun, da scola e da studi sco er cun la concepziun da la carriera professiunala Gidar las persunas che tschertgan cussegl a trair a niz las atgnas resursas, ad agir ed a decider en atgna responsabladad Tgirar la collavuraziun cun las persunas d'instrucziun dals stgalims secundars I e II, sco scolas dal stgalim superiur e scolas professiunalas spezialisadas, per la preparaziun da la tscherna da professiun e per la concepziun da la carriera Realisar occurrenzas d'infurmaziun per geniturs e per classas Tgirar contacts regulars cun scolas, cun instituziuns da furmaziun, cun posts spezialisads e cun l'economia Collavurar en projects ed en gruppas da lavur internas Quai che nus giavischain da Vus Ina scolaziun renconuschida sin plaun federal sco cussegliadra u cussegliader da professiun, da studi e da carriera u la prontezza d'absolver la scolaziun Demananza cumpetenta e persvadenta davant giuvenils e persunas creschidas, geniturs e persunas d'instrucziun Da preferenza enconuschientschas da las structuras economicas regiunalas sco er dal martgà da lavur Colliaziun cun ils posts spezialisads regiunals Persunalitad engaschada, orientada a soluziuns ed abla da supportar squitsch cun fitg bunas abilitads communicativas Fitg bunas enconuschientschas dal tudestg a bucca ed en scrit sco er bunas enconuschientschas dal rumantsch Enconuschientscha da basa dal talian èn bainvegnidas Flexibilitad ed in bun senn d'organisaziun, plinavant gronda atgna responsabladad Noss avantatgs Vegnir a savair dapli davart noss avantatgs Lieu da lavur Uffizi per la furmaziun professiunala Bahnhofstrasse 31 7130 Gilon Per dumondas stattan Petra Wyss, manadra da la partiziun Cussegliaziun da professiun, da studi e da carriera, petra.wyss@afb.gr.ch, telefon 081 257 27 05, u Ursina Kipfmüller, manadra dal team Regiuns, ursina.kipfmueller@afb.gr.ch, telefon 081 257 53 01, gugent a Vossa disposiziun. Termin d'annunzia: 5 da favrer 2026 Nus ans legrain da Vossa annunzia online e da far Vossa enconuschientscha.