Referendaria u referendari per l'indemnisaziun da dischoccupaziun
Uffizi per industria, mastergn e lavur (UCIML) | 80100 % | Cuira
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per industria, mastergn e lavur (UCIML) occupa actualmain var 135 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza, e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per la partiziun Cassa da dischoccupaziun dal Grischun tschertgain nus per il 1. da favrer 2026 u tenor cunvegna ina referendaria u in referendari per l'indemnisaziun da dischoccupaziun (80–100 %).
Voss champ d'incumbensas
* Controllar ed elavurar las dumondas per indemnisaziun da dischoccupaziun, incl. examinaziun conscienziusa dal dretg da survegnir prestaziuns e calculaziun da las prestaziuns
* Pajar ora correctamain e svelt las prestaziuns d'assicuranza
* Cussegliar en moda cumpetenta ed orientada als servetschs las persunas assicuradas davart lur dretgs da prestaziuns, davart ils termins da pajament e davart ulteriuras dumondas relevantas, quai per telefon, en scrit ed en cas da basegn er persunalmain
* Coordinar e sa barattar cun autras assicuranzas socialas sco er cun ulteriuras partiziuns da l'uffizi (en spezial CIL)
Quai che nus giavischain da Vus
* Scolaziun commerziala terminada ubain qualificaziun equivalenta, en il cas ideal experientscha en ils fatgs d'assicuranza sociala (attestat professiunal federal da spezialista u spezialist d'assicuranzas socialas è d'avantatg)
* Senn per cifras sco er moda da lavurar exacta e structurada
* Fitg bunas enconuschientschas da la IT, en spezial d'utilisar Microsoft Office
* Curtaschaivladad e professiunalitad sco er abilitad da declerar fatgs cumplexs en moda simpla e chapaivla
* Persunalitad cun responsabladad, ch'è abla da supportar squitsch e che lavura independentamain
* Flexibilitad e fidadadad sco er abilitad da lavurar en in team
* Bunas enconuschientschas dal tudestg a bucca ed en scrit, enconuschientschas dal talian èn d'avantatg
Noss avantatgs
Vegnir a savair dapli davart noss avantatgs
Lieu da lavur
Uffizi per industria, mastergn e lavur
Ringstrasse 10
7001
Cuira
Per dumondas davart la professiun sco er davart la procedura da recrutaziun stat Nadja Klopfenstein, manadra da la Cassa da dischoccupaziun dal Grischun, gugent a Vossa disposiziun sut il numer da telefon
Termin d'annunzia: 19 da december 2025
Nus ans legrain da Vossa annunzia online e da far Vossa enconuschientscha.