Giurista u giurist per il Servetsch giuridic / actuariat
Autoritad per la protecziun d'uffants e da creschids dal Grischun | 80–100 % | Cuira
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Per la APUC Grischun, filiala Grischun dal Nord, tschertgain nus per il 1. da mars 2026 u tenor cunvegna ina giurista u in giurist.
Voss champ d'incumbensas
* Sustegnair e cussegliar las commembras ed ils commembers da l'autoritad sco er las procuraturas ed ils procuraturs en dumondas giuridicas materialas e formalas (dretg da la protecziun d'uffants e da creschids, dretg matrimonial e d'ierta, fatschentas da bains immobigliars, dretg d'assicuranza, dretg privat internaziunal)
* Elavurar en moda independenta las proceduras attribuidas, tranter auter fatschentas che dovran in consentiment (art. 416 CCS)
* Elavurar sbozs da decisiuns en las proceduras attribuidas
* Activitad d'actuariat per mauns da l'autoritad
* Collavurar activamain en differentas gruppas da project definiziun da la pratica, revisiuns da leschas)
* Protocollaziun d'audiziuns
Quai che nus giavischain da Vus
* Diplom universitar en giurisprudenza
* Experientscha professiunala, da preferenza en in'advocatura u tar ina dretgira, sco er enconuschientschas solidas dal dretg privat
* Ina persunalitad independenta e flexibla cun in pensar cumplessiv, ch'è abla da supportar squitsch
* Fitg buna expressiun en scrit ed a bucca en tudestg, enconuschientschas da linguas estras èn d'avantatg
* Moda da lavurar premurusa, effizienta e precisa
* Gronda prontezza da prestar servetschs ed abilitad da lavurar en in team en il servetsch interdisciplinar
* Gronda cumpetenza sociala ed empatia envers persunas en situaziuns da vita difficilas
Noss avantatgs
Vegnir a savair dapli davart noss avantatgs
Lieu da lavur
Autoritad da protecziun d'uffants e da creschids
Gäuggelistrasse 1
7001
Cuira
Per dumondas stat Ursina Hoffmann, manadra Servetsch giuridic da la APUC Grischun dal Nord, ubain manader da la APUC filiala Grischun dal Nord, gugent a Vossa disposiziun sut il numer da telefon
Termin d'annunzia: 8 da favrer 2026
Nus ans legrain da Vossa annunzia online e da far Vossa enconuschientscha.